قصة جديدة (( مذكـــــــرات نورة )) لا تفوتكم..

مـذكــرات نـــورة...


(عــنــدمـــا يجــتــمـــع الــحــــب)



قررت اخيرا اني أكتب عني وعن خواتي..كانت الفكرة تدور في ذهني من مدة وبعد محاولات كثيرة...بديت اكتب..

القصه انقلها لكم واقع عشته انا وخواتي..قصة كل وحده فينا...غيرت الاسماء وغيرت بعض التفاصيل...

ببدا بالتعريف عن نفسي....




اسمي نورة أدرس بجامعة الملك سعود أول جامعة قسم فنيه...وانا ترتيبي بين خواتي قبل الاخيرة.. طويله وبشرتي بيضا شعري طويل وناعم واعتبر مملوحه...(والناس اذواق).





مشاعل أكبر خواتي عمرها 24 متزوجه قبل سنتين.. قريبة مننا وهي مثل امي الله يرحمها..(توفت امي قبل 6 سنوات تقريبا).


كانت حلوة ولا هي طويله ولا قصيره..شعرها ماكان طويل..





زوجها خالد عمره30 وحيد أمه وأبوه وكلمته هي التي تتنفذ كان مغرور وشخصيته غريبه ,وكان وسيم...طويل وابيض وملامحه حاده..

بس وش الفايده!
وعلاقته مع مشاعل كانت متوترة..
مشاعل كانت تحب الارض التي يمشي عليها...اما هو فقلبه مشغول بغير مشاعل..بتعرفون التفاصيل....



سارة اختي الثانيه عمرها 23 وهي في اخر سنه بالجامعه مخطوبه...سارة شخصيتها حلوة ومرحه وهبله شوي يعني مرجوجه..





فهد خطيبها عمره 27 كان خفيف دم مرررة وحبوب والكل يحبه..واما عائلة فهد نخليها بعدين...





منار اختي الثالثه واقرب اخواتي لي...عمرها 21 في السنه الثالثة بالجامعه..شخصيتها مرحه.. مزاجيه مرة ..اناووياها دايما هواش..مع انها قريبة مني بس اختلاف التفكير بيننا نادر ما يتفق...كانت منار قصيرة وشعرها طويل وكيرلي(مجعد)





اما ريما فهي اختي الصغيرة عمرها 9سنوات توفت امي وعمرها 3 سنوات,دلوعة ابوي وعمتي الكل بالكل في البيت...وياويل الي ما ينفذ لها طلب...





اما أبوي اسمه عبدالاله او ابو مشاعل..رجال في نهايات الاربعينات... عانى الكثير بحياته وضحى عشانا كثير..وبعد وفاة امي انقلبت حياته كان رجال اجتماعي له علاقاته وله معارفه كان الشخصية المبتسمه والمتافئله بس الحين تغير كل شئ كل شئ في حياته..كان يحب امي مرة...





اما عمتي فوزيه وهي شقيقة أبوي وتسكن معنا, عوضتنا عن امي.. بس مافي بديل لمكان الام مهما كان الام هي الام...هي مطلقه وعندها ولد يسكن بامريكا...تطلقت من زوجها من سنوات(من عرفت نفسي وعمتي عندنا) مع انها تحبه وهو يحبها لكن في اسباب خلتهم يفترقون...ورجعت هي وبقى زوجها او طليقها وولده سلطان...زوجها كان رجال غني او كلمة غني قليله كان ثري وتوفي قبل فترة قصيرة..تقريبا قبل اشهر وترك ماله وحلاله لولده...(هي اخت ابوي الوحيد اما الباقين مو اشقاء لابوي وعمتي)




سلطان عمره 29 او 30 مااعرف بالظبط....وبتعرفون عنه التفاصيل...




وبتتعرفون لشخصيات كثيرة داخل


القصه..
(الجزء الاول)

(زواج ســـارة)


اليوم الخميس اول يوم لسارة وفهد من زواجهم...الساعه 11:00


سارة وهي قدام المرايا تحط ميك آب وتتصلح...

سارة وشكلها مو عاجبها:المكياج ما ظبط معاي...وش اسوي؟
فهد الي كان نايم ما بعد قام من النوم..
سارة:فهد وش اسوي؟؟
فهد:............
سارة:فهد يلا قوم....
فهد:.......
سارة:فهد عااد قوم..
فهد وهو يلا يرد:لي ثلاث ايام وانا ما نمت زين بس افكر خليني الحين ارتاح..
سارة:انت ثلاثه ايام بس انا لي سنه ماانام كويس من التفكير..وامس بعد مانمت..
فهد سمع كلام سارة وقام من السرير وراح للحمام يغسل وياخذ له شاور وبعد ربع ساعه....
فهد وهو بالحمام:سارة حبيبتي اطلعي من الغرفة..
سارة:هههههههههههههه..ماراح اطلع..
فهد:سوسو حبيبي اطلعي..خمس دقايق بس..
سارة:نو نو نو..
فهد:صباحيه مباركه ياعريس...صباحيه مباركه من وين والا من وين..سوسو اطلعي
طلع فهد من الحمام وهو يحاول يمثل دور المعصب.. ولاف المنشفه على خصره:يعني ماراح تطلعين طيب انا اوريك..
سارة:ههههههههههه
فهد يقرب لسارة ويحب راسها:صباح الخير يا احلى عروس..
سارة حمر وجهها:صباح النور...نعيما..
فهد وهو يناظر سارة باعجاب: الله ينعم عليك ..يجنن شكلك..
سارة وهي تناظر فهد من المرايا:صدق؟؟
فهد:اييه صدق..
سارة:اليوم المكياج ما ظبط معاي..
فهد:لا لا بالعكس يجنن..بعدين انتي بدون ما تحطين ميك اب حلوة..
سارة:طيب يلا انا بروح البس ..
فهد:لااصبري مو الحين..
سارة:ليش؟؟
فهد:نفطر اول ونروق بعدين نروح...
سارة:طيب..
فهد:روحي الصاله..
سارة:لا..انت روح..ما بعد خلصت..
فهد وهو حاط يده على كتفها:ههههههههههههههههه سوسو روحي ..
سارة:طيب فهد وين بنروح؟؟
فهد:تلفين وتدورين وترجعين لنفس السالفه..ماعندك صبر شووي..ماابي اقولك واخرب المفأجاة..
سارة:لا والله ما تخرب..قوول انت بس..
فهد :قربي شوي..
سارة:فهد بلا استهبال ..
فهد:لااخاف احد يسمع..قربي..
قربت سارة لفهد...
فهد باسها على خدها:يلا روحي ابي البس..
سارة استسلمت لفهد:طيب..
وبعد عشر دقايق..لبس فيها فهد..
سارة:تعال انت احسن..
دخل فهد على سارة وهو لابس ثوب بس بدون شماغ..
جلس فهد جنب سارة وحط يده على كتفها:الحين الفطور بيجي..
سارة:يلا حكيني على الزواج امس..
فهد:لا انتي حكيني زواج الرجال ما فيه شي الواحد يحكي فيه..
سارة:مرة انبسطت تقريبا اغلب البنات الي عزمتهم جايين...
فهد:كويس..
سارة:كله كوم والزفه كوم ثاني..قلبي حسيته طلع من صدري من كثر ماكنت خايفه تخيل انت تمشي والناس تناظر فيك..شعور يخوف..
فهد:هههههههههه يا حلوك بس..,تصدقين عااد انا بطني عورني يوم دخلت عليكم....مع اني دايما ادخل بس ماادخل على اني المعرس..بس توبه..
سارة:وليش انشالله ناوي تدخل انت مرة ثانيه..
فهد:ههههههههههههههههه...لا اقصد بزواج بنتي ماراح ادخل..
سارة:اييه احسب..
فهد:سوسو ترا اقلاعنا 9..
سارة:مو كان 11؟؟
فهد:الا كان بس صار 9..
سارة:في احد يطق الباب صح؟
فهد ويحاول يبين انه يحكي بجديه:روحي افتحي..
سارة:انت روح افتح..
فهد:اكيد الفطور...
سحب فهد يده من كتف سارة ووقف وراح فتح الباب
ودخل الفطور...
فهد وهو يجلس:جوعااان..امس ما تعشيت زين..
سارة:بس لاتشبع عشان الغدا..
فهد:لا ماعليك..,بس انتي اشبعي اعرفك بتستحين تاكلين عندهم..
سارة:اصلا مااشتهي..
فهد:وشو بطنك انتي ما يجوع.. امس ما تعشيتي..
سارة:ايش اسوي..
فهد:افتحي فمك انتي الظاهر يبيلك احد ياكلك..
سارة وهي تغمز لفهد:اذا انت بتاكلني اكل عشانك..
فهد:هههههههههههههههه...انا الي اكلك..يلا افتحي فمك..
سارة:لا لا انا آكل..
فهد:سوسو لاتفشليني..
سارة وهي تفتح فمها:وحده بس..
فهد:والله وحده...
سارة:الحين بنروح بيت مرت ابوك الكبيرة؟
فهد:اييه الجمعه تكون عندها امي وخالتي كلهم يجون هناك واخواني وحريمهم وخواتي ورجالهم..
سارة:مشالله انتم كثار..
فهد:ههههههههههههههه عندكم يمكن ديرة نعتبر...
سارة:بس حلو...
فهد:لا مو حلو..
سارة:بس حلو الواحد تكون عنده عائله كبيرة..
فهد:مو دايما..يعني عائله كبيرة وكل واحد بحاله صح اننا نجتمع كل جمعه بس مو حلو..
سارة:فهد انا خايفه..
فهد:من جدك سوسو.؟
سارة:اييه والله..لو اني بروح عند امك وخواتك عادي....بس بروح عند عالم مشالله..
فهد:انتي خلي احتكاك بامي واخواتي والباقي ما عليك منهم بس تبسمي بوجيهم والي يسالك جاوبيه ...
سارة:تعال معاي..
فهد:هههههههههههههههه....قوي قلبك يوم ويعدي..
سارة:الله يسهل..
بعد نص ساعه خلصوا فهد وسارة فيها فطور...
فهد:شرايك متى نطلع؟؟
سارة:وحده..
فهد:الحين 12:30 يلا نصف ساعه تجهزي فيها...

سارة:طيب..

check out
فهد:وانا بروح اسوي

سارة:اوكي..
رن جوال سارة وكانت اختها مشاعل...
فهد:يلا يلا جوالك يرن..
سارة وهي تركض تدوره...
واخيرا لقته وردت...
الساعه وحده طلعوا فهد وسارة من الاوتيل وركبوا السيارة عشر دقايق ووصلوا بيت ابو فهد...
نزل فهد من السيارة وفتح الباب لسارة...
مسك يدها ودخلوا جو البيت..
سارة وهي تشد على يده:خايفه يافهد..
فهد:لا سوسو تراهم طيبين وحبوبين لا تخافين..
سارة:اييه عارفه..بس مدري وش اقولهم...
فهد:يلا ادخلي وانا بروح عند الرجال..
سارة والخوف باين على صوتها:لا لا لا من جدك والله ماادخل بلحالي..
فهد:هههههههههههههههههههه اجل حبيبتي خوافه لهدرجه..استهبل معاك بدخل بس بشووف وش بتقولين..
سارة:يا سخفك...
فهد فتح الباب ودخلوا هو وسارة جوا البيت...وكان باستقبالهم مضاوي وشيخه خوات فهد...
(شيخه وفهد ومضاوي اشقاء اما اخوانهم الباقين من امهات غير...ابو فهد كان رجل مزواج ومن كل وحده جاب عيال)
نرجع نكمل...
مضاوي:اهليييييييين سارة..
سارة وهي تضم مضاوي:يا حبيلك..شخبارك؟
مضاوي:الحمدالله بخير....
فهد:تعالي بس.. ابيك تنبهين لسارة وتحطينها بعيونك..ترا سوسو خوافه..

مضاوي:لا لا تخاف عليها بعيوني
..

فهد:ها حبيبتي ارتحتي الحين ..مضاوي بتنتبه لك..
سارة تناظر فهد:انا اوريك شغلك اذا طلعنا من هنا..
مضاوي:هههههههههههههههه
شيخه:اهلييييييييييييييييييييييييييين..
فهد:هلا هلا بحبيبتي...
شيخه:بسلم على سارة اول..
فهد:تحبون سارة اكثر مني طيب انا اوريكم..
.

شيخه:ياحلوكم والله اني امس بس اسمي عليكم..
فهد:سارة تحبينهم؟؟
مضاوي:ترا سارة صديقتي قبل لاتصير زوجتك..
فهد:صديقتك ولد عم ابوي حك ظهري..هي زوجتي الحين..
فهد مسك يد سارة:امشي بس ندخل نقعد نضيع وقتنا معهم..
سارة وفهد دخلوا الصاله الي جالسين فيها الحريم وسلموا عليهم وجلسوا سارة وفهد جنب بعض..
سارة كانت خايفه ومستحيه...
فهد يلتفت على سارة:يلا حبيبي انا بروح عند الرجال..
سارة لاشعوريا حطت يدها على ركبته:اجلس شوي..
فهد:كلمني تو وليد يقول تعال..
سارة:طيب خلاص روح..
فهد:يلا يصير بينا كوول وبعد شوي انا اجي...
سارة:طيب..
قام فهد وجت مضاوي جلست جنب سارة..
مضاوي بصوت واطي:هاكيف الزواج؟؟
سارة:هههههههههههههههههه مالي الا يوم مابعد عرفته عشان اقولك..بس انشالله حلو..
مضاوي:امس شكلك يجنن مشالله..صدق عروسه..وصدق عرفنا نختار..
سارة:وكيف الزواج حلو؟؟
مضاوي:مررة وناسه...
سارة:الحمدالله لاني اكره الزواج الي يكون كئيب..رقصتي؟؟
مضاوي:ماجلسنا..
سارة:يا حبيلكم..
مضاوي:والله كل البنات ماقعدوا..
سارة:يااااي اشتهيت اكون معكم..
مضاوي:هههههههههههههههههههه..كان نزلتي متنكرة وتشوفين واذا جا وقت الزفه تروحين تلبسين وتنزفين..
سارة:يالله على هالافكار الي مدري من وين تجيبنها..
مضاوي:انا بسويها انشالله..الناس ما راح يجي في بالها اني انا العروسه يحسبوني وحده اشبهها..
سارة:ههههههههههه منتي صاحيه..
شيخه وهي تجلس بينهم:شخبارك سارة؟؟
سارة:الحمدالله...

><

><
><><

دخل فهد مجلس الرجال..

فهد:السلام عليكم....
سلم فهد على ابوه وعلى الموجودين وراح جلس جنب وليد اخوه..وبدر ولد اخوه صالح..
وليد وهو يزغرت بصوت واطي:حيا الله المعرس...ويزغرت مرة ثانيه..
بدر:الف الصلاة والسلام عليك باحبيب الله محمد..
وليد:كلللللللللللللللللللللوليش..
فهد: ههههههههههههههههههههههههه ..وليد.. بدر بس ابوي قاعد يناظركم..
وليد خاف وعلى طول سكت:للحين؟
بدر:انا بلاك لست عند جدي من زمان..زغرت يا وليد انا مااعرف..
فهد:اعقلوا بس..
وليد:ها كيف الزواج؟؟
فهد:حلووو..
بدر:مررة؟؟
فهد:مرررة..
بدر:مرة مرة؟؟
فهد:انا وش قعدني عندكم..
وليد:ههههههههههههههههههه..اييه صح امس غنوا يلابنات سلموا على العروسه؟؟
فهد:ههههههههههههههههههه وشو ذي؟؟
وليد:اغنية محمد عبده..
فهد:مااعرفها..
بدر:طيب رقصتوا؟؟
فهد:رقصنااا؟؟
بدر:ههههههههههههههههههههههههه
وليد:ههههههههههههههههههههههههههههه
فهد مافهم قصد وليد:شلون يعني؟؟
وليد:يعني..
بدر يقاطعه:اسكت انا بقول..يعني رقصت انت وزوجتك؟؟
فهد ناظرهم ومارد ...
بدر:هههههههههههههههههههه ليش؟؟انا انشالله برقص مع زوجتي..
وليد:اييه صح وش فيها؟؟الى متى احنا بنصير كذا..
فهد:ههههههههههههههههههههههههه الله يثبتنا على العقل..والدين
وليد:طيب وش شعورك وانت داخل على انك المعرس..انت دايما تدخل يا اخو يا خال يا عم..
فهد:يخوف..تحس كل الحريم يناظرونك انت..
وليد:ههههههههههههههههههه..يااخي امس جتني الصيحه مااصدق انك تزوجت..
بدر:اييه والله انا وياه قاعدين بالسيارة وضايقه صدورنا..
فهد:هههههههههههههههه...
وليد:خلاص يعني مافي هبال مافي سفرات مع بعض مافي..
فهد:لا لا مافي..
ابو فهد بصوت عالي:شخبارك يا فهد؟؟
فهد:الحمدالله..بخير..انت شلونك طال عمرك؟
ابو فهد:بخير..بخير..
فهد:الحمدالله..
ابو فهد:وين زوجتك؟؟نشوفها..
فهد:الحين اناديها تسلم عليك..
وليد:بدخلها عندنا؟؟
فهد: خفيف دم مرة..
بدر:ايه صح تراني ما شفت مرت عمي...
وليد:ههههههههههههههههههههه...ترا ابوي ما يقول شي..دخلها بس واحنا بنتغطى..بس انا بتلثم..
بدر:انا مااتغطى اصلا.. بتحجب..
فهد ما رد عليهم وكان يكلم ابوه:الحين اناديها..واذا ما عليك كلافه ولا امر..بس تجي عند الباب..يعني..
ابو فهد يقاطعه:خليها هي تجي..مانيب قايم انا..
وليد وبدر كاتمين ضحكتهم وفجاة انفجروا ضحك..وكل الي بالمجلس انتبهوا لهم..
فهد:انشالله..
لف فهد على وليد:وش اسوي؟؟
وليد:ابووي بايعها..بيدخل الحرمه عند كل هالرجال المماليح..عشان تسلم عليه..ههههههههههههههههههه..
فهد:ياحمار مو وقت ضحك..وش اسوي انا الحين؟؟
بدر:طنشه بس..بينسى..
فهد:قسم بالله انكم مجناين..بعدين وش هالضحك الي ضحكتوا..استحوا شوي...
وليد:معليش..معليش بس ابوي انا مااستحمل اجلس عنده..غصبا عني..
فهد:وليد..ترا كل جمعه تجيك هوشه محترمه من اخوي صالح..استح على وجهك
وليد:والله ياناس غصبا عني..قدروني..انا ضحكتي بخشتي على طول تطلع غصبا عني..امانه الي تو قاله ما يضحك..هههههههههههههههههه اه اه يا بطني يبي يدخلها عندنا..
بدر:جدي فري..ماعنده وقت..
وفجاة وليد وبدر ضحكوا بصوت عالي وكل واحد يزيد لما يشوف الثاني...
بدر وهو يسوي نفسه فهد:الحين بخليها تجي واذا ما عليك امر بس تجي عند الباب..
وليد وهو يقلد صوت ابوه:خليها تجي منيب قايم..
بدر:يبه الباب قريب شفه هنا..بس تمشي شوي ..وتلقاه..
وليد:انت ما تفهم مانيب قايم..
بدر:يبه..يعني..طيب اشيلك؟؟
وليد:تمزح معي انت..اقولك منيب قايم.
بدر:لاتقوم انطق هنا علك ما شفتها..ما يحتاج..
فهد:والله ان ما سكتوا بيجي لكل واحد منكم كف..خلاص عاد..
بدر:خلاص خلاص وليد اعقل...
وليد:طيب...فهد وش بتسوي؟؟
بدر:انا عندي فكرة..نخلي وليد يتقمص شخصيه سارة..يلبس عبايه وكل شي..واذا جدي قال شي نقوله البنيه كذا..
فهد ناظرهم بطرف عين وقام من مكانه..
وليد:فهد لا تزعل خلاص والله بنسكت..
بدر:عمي عاد والا عشان تزوجت صرت تزعل...
فهد مشى وما رد عليهم...
بدر:والله مضخنها شوي..كلو منك..
وليد:لا والله..الحين انا الي كلو مني والا انت..
بدر:انت عمي والا انا عمك..انا اقلد عمي..
وليد:مين اكبر انا والا انت؟؟انا ما ينشره علي بس انت الشيب بدا يطلع لك..
بدر:اييه الشيب الي فيني مو عشاني كبير انا مسوي هاي لايت..بعدين ترا بيني وبينك خمس سنوات..
وليد:انا صغير وانت تمشيني على كيفك..
بدر:اسكت بس..الشره علي انا الي اجلس معاك اصلا..بروح عند فهد..
وليد:امش نروح نجلس جنبه..
بدر:المكان ما يكفي الا واحد..
وليد:نشيل ابوك ونجيبه هنا..
بدر:عشان يشيل راسك..
قام بدر قبل وليد وراح جلس جنب فهد..
وليد:انا اوريك..

*********************************

على صلاة العصر طلعوا سارة وفهد...جاييين لبيتنا...

بالسيارة..
فهد:ها كيف انبسطتي؟؟
سارة:اييه..
فهد:قلت لك ما يخوفون..
سارة:بس انهم مرة رسمين مع بعض..
فهد:اييه..
سارة:يعني خالتك الكبيرة مكشرة ورسميه ومن الحريم الي يحسبون لكل كلمه..
فهد:هذا مجتمعها الي ربت فيه...
سارة:وخالتك لمياء.. حبوبه مررة..
فهد:اييه هي الوحيده الي حليله..حتى عيالها الي هم اخواني تحف..واول واحد وليد..
سارة:وامك بعد..
فهد:لاامي شخصية قويه مافيها كلام...ومو اي احد يعجبها..
سارة:خواتك حبوبات..وحتى زوجات اخوانك وبنات اخوانك..
فهد:سوسو لاتجاملين..هم من الناس الي جامدين ورسمين..
سارة:ايييه..بس حبوبين
فهد:اما صارلي موقف مااحسد عليه..
سارة:هههههههههههه ليش؟؟
فهد:ابوي سالني عنك وقال ابي اشوفها..قلت اوكي وجيت قلت له بس تعال عند المدخل وهي تجي..قال لا ماراح اقوم خليها هي تجي..انا توهقت وش اقوله مااقدر اقوله لا..ووليد وبدر جالسين عندي تريقه وضحك ومسخرة..اليوم ابدعوا هالاثنين..
سارة:ههههههههههههههههههههههههههههههههههههههه....
فهد: عادالله يعافيه صالح ساعدني والا كان رحت وطي.. قال اذا دخلنا نتغدى وبعد ما نخلص تجي ونقول للرجال يجلسون..لان ابوي اول واحد يرجع للمجلس..
سارة:ههههههههههههههههههههههههههههههههه.

new year
فهد:اليوم بدر ووليد..

سارة:هههههههههههههههه مجناين..

فهد:بس يضحكون بس يتريقون..وليد متعودين عليه دايما كذا ولو ما في احد يضحك معاه يضحك بلحاله والا يروح عند البزران..بس بدر اليوم مو طبيعي يعني بدر مررة مود مرة مصعب ومرة رايق..

سارة:ههههههههههههههههههههه..
بعد سكوت قصير..
سارة:بتنزل؟؟
فهد:لا..
سارة:ليش؟؟
فهد:انا قلت اذا جيت امرك..
سارة: اها..ايه صح ترا ابوي بيودينا المطار..
فهد:لا سارة لاتعبينه..
سارة:لا بس ابوي هذا شي اساسي عنده لو انشالله الفجر بيودينا...لاوبعد يستقبلنا..
فهد:الي يشوفه..
سارة:طيب وين بتروح؟
فهد:بروح البيت ...
وصلوا لبيت ابو سارة..
سارة:متى تجيني؟؟
فهد:خمس ونص..
سارة:اوكي...يلاباي حبيبي..
فهد:مع السلامه..تيك كير..
سارة:يو تو..

دخلت سارة البيت وكنا كلنا باستقبالها...


عمتي كانت تزغرت وانا كنت ازغرت معها...

مشاعل:ساااااااااااااااارة يا حمارة شكلك يجنن..
سارة ضمت مشاعل
منار:مشاعل بعدي انا بخمها وحشتني...
:عروووووووووووووووووووووس تاخذين العقل...
سلمت علينا كلنا..
عبدالاله وهو يحط يده على كتف بنته ويقبها له:انشاالله مرتاحه؟؟
سارة: الحمدلله ...
عبدالاله:وين فهد؟
سارة:اذا جا يمرني بينزل...
عبدالاله:شلونه؟؟
سارة:طيب..
دخلنا جوا البيت وجلسنا بالصاله...انا ومشاعل كنا جنب سارة ومنار بكنبه بحالها وابوي وعمتي جنب بعض وريما بينهم...
فوزيه:ياحلو بنتي يا ناس..
سارة:يلا حكولي عن الزواج امس...
منار:لا الله يخليك متنا واحنا نحكي عنه اليوم..
مشاعل:والله كان الزواج يجنن...
فوزيه:مشالله كامل من مجاميعه..نظام وترتيب وتقديم وصاله ومطربه والي اهم من هذا كله العروس..قمر..
سارة استحت:ترا من قمت والناس تمدح فيني خفوا علي شوي..
عبدالاله:قليل الحكي بحقك اقل شي الواحد يسويه..
مشاعل:ياسلام انا يوم زواجي ماقلتوا هالحكي..
:الا والله قايلنه انتي الي نسيتي..
سارة:نورة امس شكلك مرة حلو غطيتي علينا كلنا..
ريما:وانا بعد كان حلو شكلي...
سارة:اييه وانتي بعد..
:تتوقعين انخطب؟؟
فوزيه:مافي زواج انسي..
عبدالاله:زوجت ثنتين بس الباقي الظاهر ماراح ازوجهم...
منار:احسن قرار بتاخذه انك ماتزوجنا...
فوزيه:لاانشالله كلهم يتزوجون.

.

:منار لازم تتحركين بشوف نصيبي...
منار:وانا ماسكه نصيبك اذا في احد يبيك بيجيك حتى لو انا ماتزوجت...
سارة:مشاعل انتي نمتي هنا صح؟؟
مشاعل:اييه..
فوزيه:يلاحكينا عن الحموله...
سارة:والله اني بس اقرا قبل لا ادخل عليهم..تعرفين مشالله كثار وغير كذا هم من الناس الي بزيادة رسمين وشايفين حالهم...يعني صعب التعامل معهم او انا ماتعودت..
مشاعل:بس حبوبين..انا اعرف بنت اخته مرة طيبه..
سارة:اييه طيبين بس انا اقصد اذا اجتمعوا مع بعض تحسين كل واحد بحاله..وكل واحد يبي يصير احسن من الثاني..
فوزيه:انتي ماعليك منهم اهم شي امه وخواته..
سارة:خواته يجنون عاد انا اعرف مضاوي قبل ايام المدرسه وحتى الجامعه...
منار:الام اهم شي..
سارة:شديده وشخصيه قويه هو من ايام الخطبه وهو يحكي لي عن امه...
عبدالاله:انا استأذن في رجال بيجي الحين...
فوزيه:هو الحين يجي..مو وقته..
عبدالاله:لا لا شوي بس..بيعطيني اوراق..
طلع ابوي ورجعنا لسواليفنا...

بوقتها رن جوال عمتي وكان سلطان ولدها..حكت معاه شوي وبعدين مدت الجوال لسارة..

فوزيه:يبي يبارك لك..
سارة استغربت:سلطان؟؟
فوزيه:ايه اييه..
مسكت سارة الجوال وطلعت برا الصاله وبعد خمس دقايق رجعت وهي تضحك..
:ليش تضحكين؟؟
سارة:ياحليله ياعمتي تصدقين اول مرة اكلمه من زمان ماكلمته.يحكي معاي انجلش...وبعدين استوعب وقام يحكي عربي..
مشاعل:اكيد بيحكي انجلش الولد من انولد وهو هناك يعني لغته العربيه بتكون ضعيفه..
فوزيه:هالولد بيجنني....
:عممتي تحبينه؟؟
منار:لاوالله وش هالسؤال؟؟
فوزيه:ومااحب الا هو..

كلنا مع بعض وبصوت واحد:وحناااااااااااااا

فوزيه:ههههههههههههههههههههه وانتم بعد ..
مشاعل:بيني وبينه خمس سنوات او سته هو الحين 29 صح؟
فوزيه:اييه تقريبا..
:مشالله رجال..
سارة:وليش مايتزوج؟؟
فوزيه:والله قلت له كم مرة...هو يعرف مصلحة نفسه واذا بغى يتزوج بيتزوج مايعوقه شي...
:طيب ليش ما يجي السعوديه؟؟
مشاعل:ترا كل ماشفتك تسالين هالسؤال وعمتي تقولك انه ما يحب السعوديه مثل ابوه..
فوزيه ضحكت:ردت عليك مشاعل...
سارة:شلونه عقب ابوه؟
فوزيه:والله يعني..ابوه راح وترك له مسوؤليه مب سهله..
:عمتي ولدك عاجبني..ترا خلاص بتزوجينيه..مالي شغل..
فوزيه:يا بخته والله لو ياخذك..
:يعني اعلن؟
سارة:وش تعلنين؟؟
:خطبتي..
فوزيه:ههههههههههههههههههههههههه..اعلني.
:على مسؤوليتك..مو اذا سالتيه قال لا..
فوزيه:على مسؤوليتي اعلني انتي بس..
:بنات ترا انخطبت من ولد عمتي سلطان..لاتقولون ما قالت لنا..

بنفس الوقت رن جوال منار وقامت من الصاله وراحت المطبخ عشان ترد..انا عرفت مين طبعا من الرنه الي حاطتها منار كانت تكلم واحد اسمه فيصل عمره 26 تقريبا لهم اربع سنين...منار تحبه بشكل احسها تبالغ وهويبادلها هالحب...فيصل كان ولد لعاب وراعي بنات وكان يشرب يعني كان انسان لايوصف ولا يطاق...لكن منار لانه حبته غيرته...الحين صار رجال ترك كل هالحركات..ويشتغل في بنك وينتظر اقرب فرصه عشان يتقدم لها)

نرجع لمنار الي رحات المطبخ تكلم..
منار:اهليين..
فيصل:هلا والله وغلا...شخبارك؟؟
منار:الحمدالله..انت شخبارك؟
فيصل:تمام...
منار:فيصل انا جالسه مع اهلي سارة عندنا واذا راحت اكلمك..
فيصل:منوري لي كم يوم كل مااكلم تصرفيني..والله اشتقت لك..
منار:اليوم بس..عشان سارة..
فيصل:طيب والله عندي حكي كثير اول ما تطلع اختك كلميني اوكي؟؟
منار:اوكي..
فيصل:باي..
منار:باي..
رجعت منار وهي مبتسمه...عطيتها نطرةولفيت كنت اكره الي تسويه..بس مالي حيله...
مشاعل:اييه صح سارة ماقالك وين بتروحون؟؟
سارة:لا....نشبت له عشان يقولي مارضا
مشاعل:ياااي مرة حلو انتي بعد ماعندك صبر..تدرين كنت اتمنى هالحركه يسويها خالد...
:اييه من جد حلوة الحركه...
رن جوال سارة وكان فهد...
سارة:هلا...
فهد:هلا حبيبي..ها كيف اهلك؟؟
سارة:طيبين..
فهد:سارة متى تبين نطلع المطار؟؟
سارة:مدري..
فهد:سبعه كويس؟؟
سارة:ايييه..
فهد:انا بكون عندك سته ونص..
سارة:اوكي,وينك الحين؟؟
فهد:بالبيت..,سوسو سته ونص بكون عندك تجهزي..اعرفك بارده..


سارة:من سته ونص برتزلك عند الباب ونشوف مين الي بارد..
فهد:هههههههههههههه..طيب يلا بباي..
سارة:باي.
فوزيه:متى بتطلعون؟؟
سارة:سبعه..
مشاعل:اقلاعكم متى؟؟
سارة:تسعه..
:تبين اكلم واسأل عن الرحله الي بتكون الساعه تسع وين رايحه؟؟
مشاعل:ياملقوفه...
:ابي اعرف وين بيروحون..بكلم بس ماراح اقولك..
سارة:انا بروح غرفتي في اشياء ما سويتها..
مشاعل:وانا معاك..
:واحنا يعني مانجي؟؟
مشاعل:يكون احسن..
طلعوا لغرفة سارة وجلسنا احنا..
مشاعل وسارة كانوا يرتبون اغراض سارة الي مارتبتها ويسولفون..
سارة:شلون خالد؟؟
مشاعل:ماادري..بس طيب..
سارة:للحين متهاوشين؟؟
مشاعل:اييه..
سارة:اححسن مشاعل هالمرة ازعلي بجد وخليه هو يجي يراضيك..
مشاعل:تخيلي امس جا الزواج عشر دقايق وطلع..ولاحتى كلمني يبارك..سارة حركاته تنرفزني..
سارة:وش دراك؟؟
مشاعل:ابوي قالي..
سارة:ابوي عرف انكم متهاوشين؟؟
مشاعل:ماقالي شي بس اتوقع انه حس..
سارة:بترجعين بيتك اليوم؟؟
مشاعل:اييه اكيد..
سارة:انتي اذا رجعتي بيني انك زعلانه منه بس مو معصبه لا ازعلي الزعل الدلع..
مشاعل:ههههههههه وشو ذا الزعل الدلع..
سارة:يعني ادلعي عليه..مو تكونين معصبه..مع انــي اشـك انه بيفتح الموضوع
مشاعل:واذا فتح الموضوع؟؟
سارة:ماراح يقول شي صدقيني انا عرفت زوجك وانتي مابعد عرفتيه..
مشاعل:تصدقين اشتقت له..
سارة:هههههههههههههههه ...الحمدالله..
مشاعل:بتاخذين هذا العطر؟؟
سارة:اييه بحطه بشنطة يدي...
مشاعل:خلاص في اشياء اذا رجعتي تاخذينها..
سارة:اييه انشالله...
مشاعل:تدرين انا كنت مخططه اول انك اذا سافرتــي اروح لبيتك بس يااختي الحين استحي

سارة:لا روحي وش عليك منهم..
مشاعل:لاعيب...
سارة:لاعادي..
مشاعل:لابس اخاف يقولون ليش يعني واحنا مانعرف نرتب يعني اكيد هم بيرتبون وبيسون..
سارة:اييه..اكيد..
مشاعل:سوسو بتسافرين وتخلينا..
سارة:وحده بوحده انتي دايما تسافرين وتخلينا...
مشاعل:وانتم بعد تسافرون....
سارة تقاطعها:بس مانخليك...نسافر بالوقت الي تكونين مسافرة...
مشاعل:ههههههههههههههههههه...اسحب كلمتي..
بعد وقت ماهو طويل...
رن جوال سارة..
سارة:هذا فهد...
سارة:هلا..
فهد:افتحي لي الباب انا تحت..
سارة:رن الجرس وتجي الخدامه تفتح لك..
فهد:لاانت تعالي افتحي..
سارة:طيب..
فهد:يلا بسرعه..اركضي..
سارة:طيب..
فهد:اركضي..
سارة:ههههههههههه فهد..
فهد:يلا باي...
سارة:باي..
نزلت سارة عشان تفتح الباب لفهد...وهي تمر من الصاله..
منار:وين..
سارة:فهد عند الباب بفتح له..
وانا اضحك:انا اروح افتح له..
سارة:اقعدي بس..بنات فهد بيدخل ..
:اييه انا بتحجب وبقعد..
سارة:منار ضفي اختك واطلعوا من الصاله..
منار:لا ماراح نطلع..
ساره:بلا سخافه..
فوزيه:لاتحرقين اعصابك روحي افتحي الباب خلاص هم بيقومون...
راحت سارة وفتحت الباب لفهد...
فهد:يلا ترا الساعه سبع وربع...بسلم على خالي وانتي سلمي بسرعه..ونطلع

سارة والخوف على وجهها:الحين يعني نطلع؟؟
فهد:اييه اييه يلا...سبع وربع كذا بنتاخر..
سارة:طيب..طيب..ادخل..
فهد:خواتك فيه؟؟
سارة:لا لا..
دخلوا الصاله وكان فيه ابوي وعمتي وريما طبعا...
فهد سلم عليهم وحتى ماجلس..
فهد:وين شناطك؟؟
سارة:ركبتهم السيارة...
فهد باستغراب:متى؟؟
سارة: لابسيارة ابوي..
فهد:ياخالي مايحتاج تعب نفسك..
عبدالاله:لاتحاول..انا الي بوديكم..
فهد:اجل انا بروح اركب شناطي بسيارتك..
عبدالاله:عط السواق مفتاح سيارتك وهو يركبه ارتاح انت..
فهد جلس وهو يوجه كلامه لسارة:يلا سارة ترا كذا نتاخر..
سارة خنقتها العبرة وبدت تصيح....
فوزيه:سارة تصيحين؟؟
فهد:سارة وش فيك ليش تصيحين؟؟
سارة:غصبا عني..
فهد:لاسوسو لاتضيقين صدرك روحي سلمي على خواتك وعيني من الله خير..
عمتي مسكت يد سارة وجو عندنا...
مشاعل وهي تضم سوير وتصيح هي الثانيه..
فوزيه بلهجة جديه:مشاعل...
سارة سلمت علينا...
سارة:وين عبايتي راحت..ابوي وفهد طلعوا..
مشاعل:انتي وين حطيتها؟؟
سارة:علقتها هنا..
منار:مافي شي وين طارت..
:بروح اسال فاطمه...
سارة:بسرعه..
منار:اروح اجيب وحده من عبايتك فوق..
سارة:حطيتهم بالشنطه ومشوار افتحها...
مشاعل تناظر ريما اختها:ريما وين حطيتي العبايه..؟؟
ريما:ماراح اقول..
:ههههههههههههههههههههههه ماتبتي ترا نفس الحركه سويتها بمشاعل...الا مشاعل رجعت لك العبايه؟؟
مشاعل:مو وقتك انتي..
فوزيه:ريما بسرعه وين العبايه؟؟
ريما:لاتروح سارة وتخلينا...
سارة رجعت تصيح:ريما حبيبتي ماراح اطول...
رن جوال سارة وكان فهد..
سارة:بسرعه وين عبايتي؟؟
مشاعل: بعطيك عبايتي..
سارة:بسرعه..
جابــت مشــاعـل عبــايتها وعــطتها ســارة..
ســارة لبــست العبــايه بســـرعه وطلــعت وركبــت السيــارة..
عبدالالــه:ســارة تاخرتــي يابنيــتي...
ســـارة:ريما اخــذت.......هنــا ســارة رجعـــت لصيــاح..
فــهد وهـو ملتــفت لســارة ومــد يــده وحطـها علــى ركبــتها:ســارة لاتصيــحين تــراك تقطــعين قلـبي...
عــبدالاله ابــتسم لكــلام فــهد وماقــال ولاكلــمه خـلا فـهد هـو الـي يحـكي ويـهدي سـارة..
سـارة:غصـبا عنــي...والله غصـبا عـنـي..بـس مـاتعـودت اروح واخـلي خـواتي..
فـهد:مـعليش سـوسـو هـدي نفـسك..
سـارة سكتـت..
عـبدالاله:ريمـا اخـذت عبايـتك اكـيد..
فـهد:هـهـهههههـهههـهههه تاخذهـا عشـان ماتسـافرين..ياحبـيتي..
عبدالالـه:نفـس الحـركه سوتـها مع مشـاعل..اخـذت العبـايه وخـبتها..
فـهد:طـيب رجعتـها؟؟
سـارة:لا اخـذت عبـاية مشـاعل..
عبـدالالـه:هـي مـن زمـان قايـلتلي ومخططه باخـذ عبايـة سـارة واخـبيها...
فـهد:ههههههههههههههههه الحـين هـي تـخبي العـبايه عشـان ماتروحـين كـان قلـتي لـها فـهد ماخـذني ماخـذني لـو تـخبين اغـراضي كـلها..
عبـدالاله:هههههههههههههههههههه..
سـارة استحـت مـن كـلام فـهد....
طـول الـطريـق ابوي وفهد يسـولـفون وسارةساكته...رن جوالها وكانت بنت خالتي نوال هاله...
(خالتي نوال اخت امي الوحيده والباقي اولاد...بنتها هاله بثاني جامعه وكانت مثل اختنا وقريبه لي ولمنار مرة...خالتي بعد ماجابت هاله سوت عملية واستئصلت فيها رحمها..وقبل سنه تقريبا تبنت ولد عمره 8سنوات واسمه طارق...وفي تفاصيل اكثر)
نرجع لسارة والمكالمه الي جتها من هاله...
سارة:هلا بهالة..
هالة:اهليين وسهلييين...بالعروسه..
هاله:شخبارك؟؟وكيفك بعد العرس؟
سارة:الحمدالله بخير..انتي شخبارك؟؟
هاله:الحمدالله...
سارة:شخبار خالتي؟؟
هاله:طيبه..هي جنبي تبي تكلمك..وسلميلي على فهيد..
سارة:انشالله...
نوال:هلا هلا بسارة...هلا بقلبي..
سارة:هلا والله خالتي..شخباركم؟؟
نوال:الحمدالله يا بعد عمري انتي..شخبارك وشخبار فهد؟؟
سارة:الحمدالله بخير..
نوال:انتبهي لنفسك يا سارة وانتبهي لرجلك...ومااوصيك عااد...
سارة:انشالله خالتي..
نوال:توصلون بالسلامه انشالله...وسلميلي على فهد..
سارة:انشالله..يوصل..
نوال:مع السلامه..
سارة:مع السلامه..
عبدالاله:مين؟؟
سارة:هالة وخالتي نوال..
وصلوا المطــار..
ابوي وهو ماسك يد سارة:انتبهي لنفسك..وانتبهي لفهد..ومانبي صياح..
ســارة:يـبه والله بشـتاق لـك..
عبـدالاله:وانا بعد بشتاق لك...هذي حال الدنيا...يلا سارة روحي مع زوجك لازم الحين تدخلون الصاله..
ســارة ضمت ابوي وكانــت تصيح:مع السلامه..
عبـدالاله:توصلون بالسلامه..
سـارة:الله يسلمك..
عـبدالاله:فهد سارة بعيونك..مااوصيك..
فـهد:توصيني على عيوني..
عبـدالاله ضحك على كلام فهد:يلا مع السلامه..
فـهد:مع السلامه..
مسك فهد يد سارة ودخلوا الصاله....

***********************
دخلت منار غرفتها وانسدحت على السرير مسكت جوالها واتصلت على فيصل كالعاده..
فيصل:هلا بالطيب الغالــي..
منار:هــلا وغلا..
فيصل:هلا بمنار..هلا..
منار:فيصل..
فيصل: ههههههههههههههه خلاص خلاص... راحـت سـارة؟؟
منــار وهي تتنهد:ايــه..
فيصل:ضايق صدرك؟
منار:ايه..
فيصل:يلا انتي فترة وتلحقينها..
منــار:ههههههههههه تصدق عاد ابوي اليوم يقول ماراح ازوجكم..
فيصل:ليش؟؟
منار:يقول ثنتين يكفون مااقدر على فراقكم..
فيصل:ههههههه ياحليــله ابوك..بس كان قلتي زوج ثلاثه وثنتين خلهم..
منار:هههههههههههه..
فيصل:شفتي اختي امس؟؟
منار:اييه يا حلوها اختك مشالله مررة كيوت..
فيصل:اييه حتى هي من جت وهي بس تمدح فيك...
منار:ياحبيلها..
فيصل:تقولي ماراح ازوجك الا هي..
منار:ههههههههههههههههه....
فيصل:المفروض ما تروحين..غطيتي على كل الحضور..
منار:هههههههههههههههههه..
فيصل:ليش تضحكين انا اقول شي واقع..
منار:ياعيني على الواقع...لو كل واحد بيمدح الي يحبها مااحد بيحضر الزواج...
فيصل:ههههههههههههههه....والله اشتقت لك..شخبارك بعد؟؟
منار:تخيل اختي ريما خبت عباية سارة عشان ماتروح..
فيصل:هههههههههههههههههههههههههههههههههههههه.....يا حلوها تحب سارة شكلها مرة..
منار:لا حتى يوم مشاعل كذا سوت هي متعلقه فينا كلنا بس اكثر شي سارة..
فيصل:اجل ابشتري درزن عبايات لك عشان اذا خبت وحده نطلع الثانيه..
منار:حرااااام...
فيصل:متى يجي اليوم يامنار الي اجي واخطبك فيه..
منار:يلا تعال..
فيصل:اهلك بوضع انهم يوافقون؟؟
منار:ماادري...بس والله مليت يافيصل..خلاص ابي نتزوج ابي كل الناس تعرف اننا نحب بعض مو هالعلاقه الي يمكن تنقطع لو احد عرف عنها..
فيصل:وانا اكثر منك يامنار..وانا قلت لك قبل وقلتي مو وقته عشان اختك سارة..والحين..
منار تقاطعه:الحين مافي شي تعال اليوم قبل بكرة...تعرف فيصل صار لنا ثلاث سنوات مع بعض او اكثر بعد...
فيصل:ثلاث سنوات وبنتم الرابعه بعد شهرين..
منار:هههههههههههههههههههههه...
فيصل:منور عندي لك خبر بيعجبك..
.

منار:وشو؟؟
فيصل:كم تعطيني؟؟
منار:فييصل بسرعه قولي..
فيصل:اول كم؟؟
منار:الي تبي..
فيصل:ابيك انتي..
منار:هههههههههههههه يلا عااد قول..
فيصل:رحت عند دكتور اليوم عشان التدخين..
منار:فييييييييييييييييييييييصل احبك..مرة كويس..
فيصل:ههههههههههههههههههههه...الله يسهل انشالله واتركه خلاص تعبت منه..
منار:صدقني بتقدر.تركـــت الشرب وهو اكبر منه بتقدر..
فيصل:التدخين تركه مو مثل الي يترك الشرب...ادعيلي يا منار..
منار:والله اني ادعي...
فيصل:ياحبيلك..تعرفين ماقلت لاحد الاانتي قلت لازم هالشي اول شي منار تعرفه..
منار: بس لازم تشد على نفسك قد ماتقدر ..تدري علي اختبار السبت وماذاكرته...
فيصل:بكرة عندك لسا في وقت..
منار:اييه صح بس حتى المادة صعبه..
فيصل:هههههههههههههههههههههههههههههههههههههههه
منار:لــيش تضحك؟؟
فيصل:على اختك ريما...ياحبيلها..
منار:ههههههههههههه فجاة...
فيصل:ماادري تذكرت السالفه وضحكت...
منار:قاعده تصيح الحين..
فيصل:مسكينه..
منار:عمتي قاعده تسكت فيها وتقولها قصتها هي وسلطان..
فيصل:ياحليلها عمتك والله اني احبها...
منار:شلون الشغل؟؟
فيصل:والله اني تعبااان يامنور...ظغط بالشغل مررة..
منار:الله يعينك وسع صدرك بس...
بوقتها دخلت الغرفه...
منار:وش تبين؟؟
:ابي اجلس معاك مشاعل رجعت بيتها وطفشانه..
منار:ماتشوفيني قاعده اكلم..
:مين؟؟
فيـصل:سلميـلي عـليها...
منار:فيصل يسلم عليك..
حطيت يدي على رقبتي وكان قصدي اني ودي اخنقه...وبصـوت واطي:الله لا يسلمه...
انا الوحيــدة من خواتـي كنـت أعرف عن فـيصل..
طلعت من الغرفه ونزلت تحت عند اختي ريما....وشفتهاتصيح...

:ريما ليش تصيحين؟؟
ريما بصوت متقطع:يعني.....ماتدرين..ليش؟؟
:سارة راحت مع زوجها وكل وحده اذا كبرت لازم تتزوج..حتى انتي وحتى انا بتزوج...بعدين المفروض تفرحين مو تصيحين..
ريما:لا..بصيح..وبعدين انا ماراح اتزوج ابغى اجلس عند ابوي...
:طيب لاتصيحين الحين لو جا بابا شافك تصيحين بيصيح هو بعد..
ريما:انا احب سوسو اكثر وحده..
من طرف خشمي:وانا؟؟
ريما:مااحبك...
:احسن..لاتحبيني..
ريما:ومشاعل بعد احبها..وعمتو..
:اووص بلا ازعاج واذا بتصيحين اطلعي لغرفتك..
ريما زادت صياح ماسكتت...
دخلت عمتي الصاله...
فوزيه:لا لا لا ليش قلبي يصيح؟؟
ريما:عمتووو..نورة تهاوشني..
فوزيه:نورة..
:تنرفزني حركاتها الي يشوفها يقول عمرها اربع سنوات..تراك عجوز عمرك 9سنوات..استحي على وجهك..
فوزيه بجديه:نورة..
:عمتي قولي لها تسكت..
عمتي مسكت ريما وجلستها..
فوزيه:تصيحين عشان سارة راحت؟؟
ريما:اييه..انا احبها..
فوزيه:بس هي بترجع..بتروح شهر بس..
ريما:...........................
فوزيه:انا ولدي راح عني وله يمكن خمسه وعشرين سنه وهو مو عندي...سارة بس بتروح شهر وبترجع..
ريما:طيب ليش ما يرجع؟؟
فوزيه:يبي يجي بس مايقدر..
ريما:ليش؟؟
فوزيه:يقول انا ماتعودت على السعوديه...
ريما:يعني هو يحب امريكا؟؟
فوزيه:اييه يحبها..
ريما:بس امه هنا..
فوزيه:وابوه هناك..
ريما:بس ابوه مات..
:ليش؟؟ليش؟؟ليش؟؟ازعجتيني..عمتي انتي تحاكين هالبزر ترا كل يوم تقصين عليها قصتكم ومابعد حفظتها...
فوزيه سفهت نورة وماردت عليها:شغله هناك..
ريما:بس...انتي بس تشوفينه بالاجازات ما تشتاقين له؟؟
فوزيه:الا اشتاق له..بس وش اسوي..
ريما:ابي اكلمه..
فوزيه: قبل امس كلمتيه...
ريما:ودي مرة اشوفه بالصدق..
:ههههههههههههههههههههههههههههه..وشو بالصدق؟؟؟هههههههههههههههههه
فوزيه:انشالله بالاجازة نروح له..
ريما:تعرفين سلطان مررة حلو مثلك..
فوزيه:ههههههههههههههههههههههه..
بوقتها دخل ابوي..واخيرا جا..
عبدالاله:السلام عليكم...
كلنا:وعليكم السلام...
فوزيه:راحوا الله يحفظهم..
عبدالاله:اييه..
فوزيه:وشفيك؟؟
عبدالاله:ضايق صدري...تعرفين..الواحد ما يدري وش مخبيه هالدنيا والزواج ماهو سهل..
فوزيه:ادعي لبناتك وكثر لهم الدعاء وربي يسهل انشالله...
عبدالاله:اما فهد تحفه...
فوزيه:هههههههههههههههههه..ليش؟؟
عبدالاله:الولد حبوب واجتماعي وسواليفه ماتنمل..وجرئ يكلم سارة ويقولها حكي ولا معبرني...
فوزيه:هههههههههههههههههههه...ياحليله الله يوفقهم..
عبدالاله:عكس خالد شتان بينهم..خالد ماتسمعين حسه.. ورسمي ووينه عند نفسه..ياحلو التواضع..
فوزيه:لا يا عبد الاله لاتفرق بين رجال بناتك ولاتقول قدام مشاعل كذا..
عبدالاله:لا لا تخافين منب قايل اصلا هي عارفه زوجها بدون مااحكي فيه..
:قالت لك سارة وش سوت ريما؟؟
عبدالاله:ههههههههههههههههههههههههه اخخخخخ بس من ريما ودلعها..تبي كل الناس يجلسون عندها..
ريما:كلو من مشاعل عطتها عبايه..
عبدالاله:فهد يقول قولوا لريما انا ماخذ سارة ماخذها لو تخبين كل اغراضها..
انا وعمتي:هههههههههههههههههههههههه
:صدق قال كذا؟؟
عبدالاله:اييه..
فوزيه:الا وين منار؟؟
:بغرفتها تذاكر السبت عليها اختبار...
فوزيه:وانتي كملتي عملك؟؟
:لا لسا عندي وقت...,عمتي بوريك رسمه رسمتها مررررة حلووة...
فوزيه:يلا روحي جيبيها...
:دقايق بس...
عبد الاله:فوزيه قوليلهم يحطون العشا..
فوزيه:انشالله..
ريما:عمتو متى اكلم سلطان؟؟
فوزيه:الحين يمكن نايم والا بشغله بكرة انشالله نكلمه..
ريما:طيب...
بعد فترة قصيرة رجعت ومعاي لوحتي..الرسمه كانت مرة عاجبتني وتعبت عليها...
قربت لعمتي ومديت لها اللوحه:عمتي وش رايك؟؟
فوزيه:مشالله مشالله..بنتي رسامه...
:مررة حلووة صح؟؟
منار وهي تدخل الصاله:اييش الوثوق هذا..
:والله تجنن..تعالي شوفيها..
عبدالاله وهو يمسح يده بعد ما غسلها عشان ياكل:اشوف؟
وقفت ورحت لابوي:وش رايك؟
عبدالاله بعد سكوت:مشالله..فنانه..

ابتسمت....
منار:الله لنــا..
:كل واحد ومواهبه..

************************
دخلت مشاعل بيتها الي كان هادئ وانواره مسكرة مافي الانور خفيف هو الي كان مفتوح..
مشاعـل استـغربت كـانت مــتوقعه ترجـع وتلقــا خــالد فيــه..راحـت غرفتها وبدلــت ملابسها وطلعت من بيتها وراحت لقراج السيارات عشان تشوف اذا سيارته فيه

ومثـل ما توقـعت سيارته فيــه معناته في بيت اهلهه (هاذي عادته وانا قلت لكم قبل شخصيته غريبه شوي)..رجعت مشاعل لبيتها وفتحت التلفزيون تقلب من قناة لقناة تقريبا الى الساعه 12 وخالد ما بعد رجع..طلعت مشاعل

من بيتها وراحت جلست بالحوش الي كان نفسه حوش بيت اهل خالد..كانوا يسكنون بنفس البيت لكنهم منفصلين عن بعض بس الي يجمعهم المدخل...يعني بيت خالد جوا بيت ابوه...
مشاعل كانت جالسه على عتبة مدخل بيتها...بنفس الوقت دخل ابو خالد البيت وانتبه لمشاعل الي كانت جالسه..
ابو خالد قرب لها..وقفت مشاعل عشان تسلم عليه..
مشاعل:هلا والله عمي..
ابو خالد:هلا هلا ببنيتي..مبروك ماسويتوا..
مشاعل:الله يبارك فيك..
ابو خالد:شلون العرسان الحين؟؟
مشاعل:الحمدالله طيبين..
ابو خالد:الحمدالله,الا وش مقعدك هنا؟؟
مشاعل:اغير جو شوي..
ابو خالد:وين خالد سيارته موجوده..
مشاعل:عندكم بالبيت..
ابو خالد ابتسم يخفف على مشاعل وماعرف وش يقول والا وش يرقع لحركات ولده:يلا تصبحين على خير..
مشاعل:وانت من اهله...
><
بالصاله خالد منسدح على الكنبه يشرب قهوة ويتفرج على التلفزيون وامه دخلت تنام..دخل ابو خالد وباين على ملامحه انه معصب..بس ماكان يقدر يقوله شي لانه مو منه حقه يعلمه وش يسوي والا وش مايسوي..
ابو خالد:خالد..
خالد:هلا يبه..
خالد:وش تسوي؟؟
خالد:جالس..
ابو خالد:زوجتك بالبيت وانت هنا..
خالد والوضع كان عنده عادي:رجعت!
ابو خالدماردعلى سؤال خالد:الله يهديك بس..
خالد:تصبح على خير..
ابو خالد:وانت من اهله..
نزل خالد من الدرج بسرعه وطلع من بيت اهله...وشاف مشاعل جالسه عندمدخل بيتهم..وقرب لها اكثر..
خالد على طول وجه لها السؤال:وش تسوين؟
(مشاعل تنرفزت الواحد يسأل كيفك شخبارك يقول وحشتيني)
مشاعل:الحمدالله بخير...
خالد ناظرها ومارد عليها ودخل البيت ودخلت مشاعل وراه...
مشاعل كانت تمشي بخطوات اسرع منه الى ماصارت قدامه..
مشاعل:خالد وش فيك؟؟
خالد:مافيني شي..
مشاعل:شخبارك؟؟
خالد:تمام...,متى جيتي؟؟
مشاعل:من زمان..
خالد:ليش ماقلتي لي؟؟
مشاعل:كنت بشوف اذا تفرق معاك اجي والا لا..
خالد:ماتفرق....
مشاعل:خالد انت للحين زعلان؟؟
خالد:على ايش؟؟
مشاعل:على هوشتنا هذاك اليوم؟؟
خالد:لا ابدا..
مشاعل:اجل ليش ماكلمتني لي يومين نايمه برا البيت وانت ماكلمت..
خالد:ماعندي شي اقوله...
مشاعل:تصدق اشتقت لك..
خالد:وانا بعد اشتقت لك... يلا تصبحين على خير..
مشاعل:صدق؟؟
(نسيت اقولكم ان مشاعل انسانه على نياتها وطيبه وينهك عليها بكلمتين...هي ماتعرف الكذب عشان كذا تشوف كل الناس صادقين)
خالد:وشو الي صدق؟؟
مشاعل:اشتقت لي؟؟
خالد:اييه صدق..
مشاعل انبسطت من كلام خالد:طيب اجلس معاي شوي...بكرة ماعندك شغل..والله وحشتني..
خالد:بكرة وراي صلاة جمعة...
مشاعل استسلمت وماحاولت تقنعه لانها عارفه ان راسه يابس:اوكي..تصبح على خير..
خالد وهو يحط يده على راسها:وانتي من اهله...
دخل خالد لغرفته اما مشاعل رجعت وجلست بالصاله وكانت مبسوطه من الي صار ومن الي قاله خالد....
على الساعه 2:00 دخلت مشاعل لغرفتها وخالد كان بسابع نومه..جلست مشاعل على السرير وكانت تناظر خالد..كان معبس وهو نايم وعاقد حواجبه..
مشاعل وهي تضحك:ليش كل هالتكشير...
حطت مشاعل طرف اصبعه على حواجبه ومشت على حاجبه وسوت نفس الشي مع حاجبه الثاني...
تقريبا بعد ربع ساعه رن جوالها وكان صوته عالي..مشاعل على طول حطته على...

silent...
وطلعت من الغرفه وردت وكانت سارة....
مشاعل:الحمدالله على السلامه..
سارة:الله يسلمك....وحشتيني..
مشاعل:وانتي بعد وحشتيني.. متى وصلتوا؟؟
سارة:لنا نص ساعه..
مشاعل:شلون فهد؟؟
سارة:طيب..
مشاعل:هاا وين؟؟
سارة:ايطاليا...احنا الحين بروما..
مشاعل:حلوووو...
سارة:وعاد مدري وين بنروح بعدين..
مشاعل:الله يسهل..
سارة:طيب ياحلوة اخليك تنامين..
مشاعل:سلميلي على فهد.
سارة:انشالله,,اييييييييييييييييه صح وش صار بينك وبين خالد؟؟
مشاعل:عاادي..
سارة:كويس..
مشاعل:اذا صحيتي من النوم كلميني..
سارة:انشالله..
مشاعل:يلا مع السلامه..
سارة:مع السلامه...
دخل ابو خالد غرفته وكانت ام خالد جالسه بصالة غرفتهم تنتظر زوجها..
ابو خالد:السلام علييكم..
ام خالد:وعليكم السلامـــــ..غريبه تاخرت اليوم!
ابـو خالد:تاخروا ماحطوا العشا..
ام خالد:شلون جمعتكم؟؟
ابو خالـد وهو يجلس جنب زوجته:زينه..
ام خالد:عبدالله وش فيك..عسـى ماشر؟
ابو خالد:ولدك بيرفع لي ظغطي..
ام خالد:صارت سالفتنا هالولد..
ابو خالد:رافع ظغطي..هذي حركات يسويها مع زوجته..البنت طيبه وتحبه ..مهب سواة العقال.. ولدك تصرفاته تصرفات مراهقين..
ام خالد:الولد ماحبها والي يسويه غصبا عنه..وانا تعبت وانا احكي معاه بس بدون فايده..
ابو خالد:حنا غلطنا يوم زوجنا غصبا عنه..
ام خالد:انت الي غصبته وانت الي رفضت انه يتزوج من الي كان يبيها..وتحمل غلطتك..
ابو خالد:يعني ازوج ولدي وحده مهب من مواخذينا عشان يرضى...صدق عيال آخر زمن..
ام خالد:اجل لاتجي كل يوم والثاني تفتح معاي موضوعه... ولدك كبير وهو ادرى بمصلحته..
ابو خالد:انا افكر اطلعه من البيت..
ام خالد:وين يروح..لا والله ولدي مااقدر على بعده..
ابو خالد:اجل عاجبك الي قاعد يسويه... الي يشوفه يقول عزوبي طول الوقت بغرفته والا مرتز لي بالصاله.
.

ام خالد:هالفكرة شلها من راسك..والي ربي كاتبه بيصير..
ابوخالد قام من مكانه ولارد على زوجته.....
اتوقع ان هاذي حالتهم كل يوم يتكلمون بموضوع خالد وكل واحد يحط اللوم على الثاني...

نهايــة الجزء..وانشاء لله يعجبكم...
..

بالله كم لك تكتبين ذي القصه
طووووووووووووووويله


مشكوووووره

ثـأإنـكُّيوِهـيوِهـ

علىّهيـكــّ مـُرٌوِر

لآهًٍنُتٌُهم